Hninchitthu: January 2013

Wednesday, January 23, 2013

အမေ

အမေ

လူတိုင်းဟာ အမေရှိကြတယ်
မရေမရာ ပဟေဠိတွေကြောင့်
အသေအချာ အဖေမသိတောင်မှ
အမေဆိုတာတော့ ရှိပါတယ်။
ချစ်သဒါဝေကဲ ပြည့်တန်ဆာ---အမေလည်း---------အမေ
အကြွေးကြွယ်လှတဲ့-----ဈေးသည်အမေလည်း-----အမေ
အကြောင်းတရားအခြေမွဲ----သူတောင်းစားအမေလည်း----အမေ
တကယ်တော့ --အမေဟာ ---အမေပါပဲ

Tuesday, January 22, 2013

မြနန်းနွယ်

အပိုင်း(၄)
၁၉၅၅ ခုနှစ် ဇန်န၀ါရီလ (ဂ)ရက်နေ့
၁၃၁၆ ခုနှစ်ပြာသိုလပြည့် (စနေ)နေ့
အချိန်အားဖြင့် နံနက် ၄း၁၀ မိနစ်တိတိ
မြနန်းနွယ်သည် အစိမ်းရောင် ဂျစ်ကားပေါ်တွင် ရှေ့ခန်းမှ လိုက်ပါလာပါသည်။ကားအနောက်ဘက် ခန်းတွင် မိန်းမပျို နှစ်ယောက်ပါသည်။
ထိုမိန်းမပျိုနှစ်ယောက်၏ လက်ထဲတွင် ရတနာမျိုးစုံစီချယ်ထား သော မြတ်စွာဘုရား ရုပ်ပွားတော်တစ်ဆူ နှင့် ကြီးမားကျယ်ပြန့်သော ငွေဖလားနှင့် အပြည့်ထည့်ထားသောစိန်များ ကျောက်မျက်ရတနာ များပါဝင် ပါသည်။
မြနန်းနွယ်နှင့် မိန်းမပျို နှစ်ယောက်သည် မြတ်စွာဘုရား ရုပ်ပွားတော်နှင့် ကျောက်မျက်ရတနာ များကို လုံခြုံရေးဦးမောင်လှအားဗိုလ်တထောင်စေတီတော်မြတ်ကြီး အတွက်ဘက်စုံမွမ်းမံဖို့ လှုဒါန်းပါတယ်လို့ပြော ပါတယ်။
တစ်ဖွဲဖွဲ ကျနေသော နှင်းမြူများအကြား ဂျစ်ကားလေးပြန်ထွက်သွားပါတယ်။

Sunday, January 20, 2013

မြနန်းနွယ် ၁၀၆ နှစ်မြောက်မွေးနေ့

Photo: အမတော် မြနန်းနွယ် ၁၀၆ နှစ်မြောက် မွေးနေ့

မြနန်းနွယ် ၁၀၆ နှစ်မြောက်မွေးနေ့ကို ၂၀-၁-၂၀၁၃ နေ့ မှာ ပြုလုပ်ခဲ့ပါတယ်။

Tuesday, January 15, 2013

မြနန်းနွယ်ရုပ်တု နှင့် မြနန်းနွယ်ကျောင်းတော်ကြီး

https://mail-attachment.googleusercontent.com/attachment/u/0/?ui=2&ik=f614125b49&view=att&th=13c3ce248f581b16&attid=0.1&disp=inline&realattid=f_hbynr5aj0&safe=1&zw&saduie=AG9B_P9jCMc2eXAJbAtT6TFxbVm9&sadet=1358306388730&sads=GKJ_U2ryfHznJNh8rm96eiF-BR0&sadssc=1

https://mail-attachment.googleusercontent.com/attachment/u/0/?ui=2&ik=f614125b49&view=att&th=13c3ce248f581b16&attid=0.2&disp=inline&realattid=f_hbynr5al1&safe=1&zw&saduie=AG9B_P9jCMc2eXAJbAtT6TFxbVm9&sadet=1358307652698&sads=AWbm9gGUj9mTbp35vvnlhptvQ98

Wednesday, January 9, 2013

မြနန်းနွယ်

အပိုင်း (၃)
မြနန်းနွယ် သည် (၁၉၄၁) ခုနှစ်မိုးကုတ်မှ ထွက်ခွာခဲ့ပြီး ရန်ကုန်မြို့သို့ပြောင်းရွှေ့နေထုိုင် ခဲ့သည့် ဆယ့် ငါးနှစ်မျှကာလ အတောအတွင်း သူမ၏ အလှူဒါနများမှာ အံ့မခန်းလောက်အောင်ထူးထူးခြားခြား မှတ် တမ်းတင်နိုင်ခဲ့ပါသည်။မြစိမ်းရောင် မင်းသမီးလေးဟူသော အမည် ဖြင့် မြန်မာနိုင်ငံအတွင်း ရှိသာသနိက အဆောက်အအုံ များနှင့် အထူးသဖြင့် ၊ဗိုလ်တထောင်စေတီ ပြုပြင် မွှမ်းမံ တည်ဆောက် မှုများကို စဉ်ဆက် မပြတ် လှူဒါန်းခဲ့သော ပါရမီရှင်ဖြစ်ပါသည်။
မြနန်းနွယ်သည် မိဘများနှင့်အတူ ငါးထပ်ကြီး အောင်သိဒ္ဓိဘုန်းတော်ကြီး ကျောင်းတွင် ဆွမ်းကပ်လေ့ ရှိသည်။ထိုကျောင်းမှ ၀တ်ဖြူစင်ကြယ်နှင့်ပုဂ္ဂိုလ်ကြီး တစ်ပါးသည် ထူးခြားသော အတတ်ပညာ လေ့လာ တတ်မြောက်သဖြင့် မြနန်းနွယ်အား ဥပဓိရုပ်နှင့် စပ်ဆိုင်သော အင်္ဂ၀ိဇ္ဇာအတတ် ပညာနှင့် အခြားလောကီပညာ အချို့ကို သင်ပေးခဲ့သည်။

Tuesday, January 8, 2013

Botataung Pagoda

အပိုင်း(၂)
၁၉၅၅ ခုနှစ် ဇန်န၀ါရီလ နောက်ပိုင်းတွင် ဗိုလ်တထောင်စေတီတော်၏ ပတ်ဝန်းကျင်တွင် မြနန်းနွယ် ၏ အသွင်ကိုအရိပ်အယောင် မျှပင် မမြင်တွေ့ရ တော့ပါ။

ဦးအောင်ဆုသည် ပဌာန်းဆက်အရ အစ်မတော် မြနန်းနွယ်နှင့်မောင်နှမတော်စပ်ပါသည်။မြနန်းနွယ် သည်တစ်ချိန်က ဗိုလ်တထောင်စေတီတော်သို့ သူမကိုယ်တိုင် လာရောက်ပြီး ဘုရားလှူ ဒါန်းခဲ့ပြီး သာသနာပြု ခဲ့သည့် အကြောင်းကို ဆွေတော်မျိူးတော် သိရှိရန် နှင့် မြနန်းနွယ် နှင့် ဗိုလ်တထောင် စေတီ တော်ပဌာန်းဆက်နွယ် မှုရှိသည်ကို သိရှိစေရန် ဦးအောင်ဆု ကိုယ်တိုင် ဗိသုကာ၊ အင်ဂျင်နီယာ အတတ်ပညာ နှင့်ကိုယ်တိုင်ပုံစံ ထုတ်ကာ ရေးဆွဲပြီး မြနန်းနွယ်ကျောင်းတော်ကြီး တည် ဆောင်ပေးခဲ့ပါသည်။
အလှူရှင်မလေး မြနန်းနွယ် ဆိုသောပါရမီရှင်မလေးအား ဘုရားအလှူဒါယိကာမ အဖြစ် နောင်လာ နောင်သားများ အမှတ်တရ သိရှိစေရန် မြနန်းနွယ်ဘုရားကျောင်တော်ကြီးကို ဦးအောင်ဆု တည်ဆောက်ပေးခဲ့ပါသည်။
ဆရာတော်ကြီးများက ကျောင်းဆောင်အတွင်း မြနန်းနွယ်ရုပ်တု ထားသင့်သည်ဟု မယူဆကြောင်း အမိန့် ရှိခဲ့ပါသည်။မြနန်းနွယ်ရုပ်တုအား ထားရှိခွင့်ရရန် ဦးအောင်ဆု မှ ကြိုးစားခဲ့သဖြင့် နောက် ဆုံးတွင် မြနန်းနွယ်ရုပ်တုသည် ဘုရားကျောင်းတော်ကြီးအတွင်း နေရာချထားနိုင်ခဲ့လေသည်။
မြနန်းနွယ်ဘုရားကျောင်းတော်ကြီး ထဲတွင် မြနန်းနွယ်ရုပ်တုကို သူမလှူဒါန်းထားခဲ့သော ဗုဒ္ဓဆင်းတု တော်ကို ဖူးမျှော် နေဟန် ဖြင့်တည်ထားပေးခဲ့ပါသည်။

Saturday, January 5, 2013

Botataung Pagoda ဗိုလ်တထောင်ဘုရား

အပိုင်း(၁)
ဗိုလ်တထောင် ဘုရားအကြောင်းရေးမည် ဟုဆိုလျှင် မပါမဖြစ်သည်က မြနန်းနွယ်ဘုရားကျောင်းတော် ကြီးဖြစ်ပါသည်။ အစ်မတော် မြနန်းနွယ်က ဘုရားအလှူဒါယိကာမ ကြီးတစ်ဦးဖြစ်ပြီး စေတနာ ဂရုဏာ တုို့နှင့်ပြည့်စုံသော ပါရမီရှင် မယ်တော်ကြီးတစ်ပါး ဖြစ်ပါသည်။
သူမ၏ဆွေမျိုးများသည် မိုးကုတ်တွင် ရှိ၏။ မြနန်းနွယ်သည် အိမ်ထောင်မပြုသောကြောင့် သားသမီး အဆက်အနွယ် ပြတ်သွား သော်လည်း သူမ၏ဆွေမျိုးများ ရှိကြ၏။ မြနန်းနွယ်သည် အမှန်တကယ် ရှိခဲ့ သော ပါရမီရှင်ဖြစ်ပါသည်။
မနန်းခမ်းနှင့်မောင်ချမ်းသာတို့သည် မိုးကုတ်တွင် အိမ်ထောင်ကျပြီး (၉)နှစ် အကြာ ၁၉၀၆ခုနှစ် ဒီဇင်ဘာလ (၂၂)ရက် နေ့ ၁၂၆၈ ပြာသိုလဆန်း(၉)ရက် စနေနေ့ နံနက် (၅)နာရီ နေတက် ရေတက် အချိန်တွင် သမီးဦး ရတနာ မွေးခဲ့ရာမနန်းဟု ငယ်နာမည် ပေးခဲ့ပါသည်။
မနန်းကိုယ်ဝန် ရှိစဉ် ကတည်းက မိခင်ဖြစ်သူ မနန်းခမ်းသည် ခြေလေးချောင်း စားချင်စိတ် မရှိဘဲ ဟင်း သီးဟင်ရွက် သစ်သီးဝလံ များကိုသာ စားသုံးလေ့ရှိသည်။သမီးဦး မွေးဖွားသည့် အချိန်မှ စပြီး ကျောက် ကောင်း များထွက်ကာ စီးပွားတက်လာပါသည်။
အိမ်မက်ထဲတွင် သူတော်စင်ကြီး တစ်ပါးက သမီးဦး မွေဖွား သည့်အခါ မြနန်းနွယ် လို့ အ မည်ပေး ပါ။ နောင်တစ်ချိန်တွင် သာသနာ ပြုမည့် သမီးကောင်းဖြစ်လို့ကောင်းစွာ ဂရုစိုက်ပါ လို့ပြော ပါတယ်။
မြနန်းနွယ် (၂)နှစ်သမီးအရွယ် တွင် အခြားကလေးများနှင့် အရောဝင်ကစားလေ့မရှိ။တစ်ဦး တည်းသာ တည်ငြိမ်စွာ နေလေ့ရှိသည်။ခြေလေးချောင်းသားများစားလေ့မရှိပါ။နွားနို့ကိုသာ နှစ်သက်စွာ သောက် လေ့ ရှိသည်။ငါးနှစ်သမီး အရွယ်တွင် ပုတီးစိတ် လေ့ရှိသည်။
မိုးကုတ် မြို့တွင် မြနန်းနွယ်အား ကျောင်းအပ်နှံပြီး မူလတန်းစတင်သင်ကြားခဲ့သည်။ညဏ်ကောင်း သဖြင့် တစ်ခေါက်ဖတ်ရုံဖြင့် အလွတ်ရမှတ်မိသည်။ မြနန်းနွယ်၏ အသံလေးသည် ကြည်လင် သာယာ ပြီး ဂရုဏာ သံ ပါသည်ဟု အများကသတ်မှတ်သည်။မိုးကုတ်မြို့တွင် အထက်တန်း ပညာ ကိုအောင် မြင်ခဲ့သည်။
အသက် (၁၅) နှစ် အရွယ်တွင်တက္ကသိုလ် ပညာဆည်းပူးရန် India သို့သွားခဲ့ပါသည်။ အထိန်းတော်ကြီး နန်းစောလည်း လိုက်ပါသွားသည်။ ၁၉၂၆ ခုနှစ်တွင် မြနန်းနွယ်သည် India မှဝိဇ္ဇာ ဘွဲ့ကို ရခဲ့ပါသည်။အသက်(၂၀) တွင် မိုးကုတ်ကိုပြန်လည် ရောက်ရှိခဲ့ပါသည်။မိုးကုတ် မြို့ ရှိ သူဌေး၊သူကြွယ် ၀န်ထောက်စသော လူကုန်တန် အသိုင်းအ၀န်း တွင် ရေပန်း အစားဆုံး ဖြစ်ပါ သည်။ သို့ရာတွင် မြနန်းနွယ် က အိမ်ထောင်ရေး စိတ်မ၀င်စားခဲ့ပါ။မျက်လုံး လက်လက် ၊မျက်ခုံး နက်နက် ရွှေဝါရောင် အသားအရည် မှာ သန့်စင်ကြည်လင်နေပါသည်။အရပ် ငါးပေ သုံးလက်မ ခန့်ရှိပြီး မဟာဆန်ဆန် လှပသူတစ်ဦးဖြစ်ပါသည်။အထူးသဖြင့် မြနန်းနွယ်သည် မြစိမ်းရောင် အထက်အောက် ဆင်တူ ၀တ်စား ဆင်ယင်လေ့ရှိသည်။
၁၉၄၁ ခုနှစ်တွင် မြနန်းနွယ်အသက် (၃၅)နှစ်ပြည့် ခဲ့ပါသည်။သို့ရာတွင် အသက်(၂၅)နှစ် ထက် မပို ဟု ထင်ရသည်။ မြနန်းနွယ်အိမ်မက်ထဲတွင်အဖိုးအိုက သမီးလေး သာသနာပြုဖို့ အချိန်တန်ပြီ၊ ကြီးကြီးကျယ်ကျယ် လှူဒါန်းနိုင်ဖို့အတွက် ရန်ကုန်ကို အပြီးပြောင်းရွှေ့ပါလို့ ပြောလာပါတယ်။
မြနန်းနွယ်သည် မိဘနှစ်ပါးဖြစ်ကြသော ဦးချမ်းသာ ဒေါ်နန်းခမ်း အထိန်းတော် နန်းစော၊ ဦးလေးဦးကံသာ တို့နှင့်အတူ ရန်ကုန်သို့ပြောင်းလာပါသည်။ဗိုလ်တထောင်ဘုရားလမ်း ရှိစာတိုက်နှစ်ကပ်လျက်ရှိသော အိမ်တအိမ်ကို ၀ယ်ယူလိုက်ပါသည်။
ဦးလေးဖြစ်သူ ဦးကံသာ သည် မြနန်းနွယ်အား တရုပ်ရှေးဟောင်းရိုးရာ ဖြစ်သော လက်ဆစ်ချိုးပညာ၊ စိတ်ဝိညာဉ်လွင့်သောပညာ တို့ကို သင်ပေးခဲ့ပါသည်။ မြနန်းနွယ်သည် ညနေလေးနာရီတိုင်း ဗိုလ်တထောင် စေတီမြတ် သို့ ကိုယ်ပိုင် ရထားလုံးကြီးစီးပြီး နေ့စဉ်အချိန်မှန်သွားပါသည်။ မြနန်းနွယ် သည် မြန်မာပြည် တ၀ှမ်းရှိ ဘုရားပုထိုး စေတီတော်များကိုပြုပြင်ခဲ့ပါသည်။
အထူးသဖြင့် မြနန်းနွယ်ဟူသော အမည်ရင်းထက် မြစိမ်းရောင်မင်းသမီး ဟု အသိအမှတ်ပြုကြ ပါသည်။ မြနန်းနွယ်သည် ဗိုလ်တထောင် စေတီတော်မြတ်ကြီး တွင် မြနန်းနွယ်အမည် ဖြင့်အမြဲမပြတ် သာသနာပြု လှူဒါန်းပူဇော် ရာတွင် ဘ၀အဆက်ဆက်က တော်စပ်ခဲ့ကြသော ဆွေတော်မျိူးတော် တို့နှင့်အတူ ပျော်ရွင် ချမ်းမြေ့ သာယာစွာဆောင်ရွက်နိုင်ပါလို၏ လို့ အဓိဌာန်ပြုခဲ့သည်။
(၁၉၅၅) ခုနှစ် ဇန်န၀ါရီလ (၈) ရက် (၁၃၁၆) ခုနှစ် ပြာသိုလပြည့် (စနေနေ့) ၊အချိန် နံနက် ၄ နာရီ တွင် မြနန်းနွယ်သည် မိမိပိုင်ဆိုင်သော ကျောက်မျက်ရတနာမျိုးစုံကို ငွေဖလားဖြင့်ထည့် ပြီး ရတနာ စီ ချယ်ထားသော ရုပ်ပွားတော်နှင့်အတူ ဗိုလ်တထောင်စေတီတော်မြတ် ကြီးဘက်စုံမွမ်းမံဖို့ လှူဒါန်းပါ သည်။ မြနန်းနွယ်သည် ဦးလေး ဦးကံသာ သင်ကြားပေးထားသဖြင့် တတ်မြောက် ထားသော တရုပ် လောကီ ပညာ ရှင် ကျန်းမိန်၏ အတတ်ပညာ များထဲမှ အသက် ပိုင်းဆိုင်ရာ နည်းလမ်းတခု ကို တွေးမိသည်။ မြနန်းနွယ်ကိုယ်တိုင်ပင် လွန်ခဲ့သော သုံးရက် ကသူမကိုယ်တိုင် တွက်ချက်ထား ပြီး ဖြစ်ပါသည်။ထို့ကြောင့် သာသနိက အဆောက်အအုံများ အတွက် တည်ဆောက်ရာတွင် အသုံးပြုရန် သာသနာ့ ဒါယိကာမ တစ်ယောက်အဖြစ် ထူခြားရက်ရောစွာ လှူဒါန်းခဲ့ခြင်းဖြစ်ပါသည်။
မြနန်းနွယ်သည် ဘီစကစ်နှင့် လက်ဖက်ရည်ကို မြိန်ယှက်စွာ စားသောက်လိုက်ပါသည်။သူမသည် အစား အစာကို အစာအိမ်ထဲ ပြည့်သွားသည်အထိ စားသောက်လေ့မရှိပါ။ အာသာပြေရန်သုံးဆောင် လေ့ရှိသည်။
ဦးကံသာလည်းတွက် ချက်ပြီးသူဖြစ်နေရာ ဆို့နှစ်ကြေကွဲစွာဖြင့် အသက် (၅၁)နှစ်ဆိုတော့ သမီးမှာ အချိန်သိပ်မကျန်တော့ဘူးလို့ပြောလိုက်ပါသည်။နောင်ဘ၀ ဆက်တိုင်းသမီး အရာရာ တောင့် တ တိုင်း ပြည်စုံနိုင်ပါစေကွယ်လို့ပြောပါတယ်။
မြနန်းနွယ်ဒေါသဖြစ်ခြင်း လောဘကြီးခြင်းကို ဦးကံသာမမြင်ဘူးပါ။ မြနန်းနွယ်က သမီးရဲ့ နောက် ဆုံး လိုအင်ဖြစ်သောဗုဒ္ဓဂယာသို့ (၂ရ) ရက်ခရီးသွားခဲ့ပါတယ်။
အိမ်သို့ပြန်ရောက်လာကတည်း က အဆက်မပြတ် ချောင်းဆိုးခဲ့ပါသည်။ချောင်းဆိုးလွန်းသောကြောင့် အအိပ်ပျက်လာပါသည်။စားသမျှလည်း ခံတွင်း မတွေ့အဟာရ မဖြစ်ခဲ့ပါ။ပန်းနာ ဝေဒနာ ဖိစီးလာပါသည်။
မြနန်းနွယ်သည် (၁၉၅၆) ခုနှစ် နိုဝင်ဘာလ နောက်ဆုံးပတ် တွင်သမီး မိုးကုတ် ပြန်ချင်ပြီ ဟုပြောပါသည်။ သမီးရဲ့ နောက်ဆုံး ထွက်သက်ဟာ ပထမဆုံးဝင်သက် ရှိတဲ့နေရာပဲဖြစ်ချင်တယ်။
(၁၉၅၆) ခုနှစ် ဒီဇင်ဘာလထဲတွင် မိုးကုတ်သို့ ပြန်ခဲ့ပါသည်။ မြနန်းနွယ်၏ ရောဂါ အခြေအနေ မှာ တိုး တက်ကောင်းမွန်လာခြင်းမရှိပါ။ပိုမိုဆိုးရွားလာပါသည်။အမောစိတ်လာပါသည်။
မိုးကုတ်သို့ ပြန်ရောက်ပြီး (၁၉၅၇)ခုနှစ် ဖေဖေါ်ဝါရီလတွင် ဝေဒနာခံစားနေရသော ဘ၀မှ အပြီးတိုင် လွတ်မြောက်ပြီး ကောင်းရာသုဂတိ ဘုံဌာန သို့ ရောက်သွားပါသည်။ထိုအချိန်တွင် မြနန်းနွယ်၏ အသက် မှာ (၅၁)နှစ် ခန့်ရှိခဲ့ပါသည်။မိုးကုတ်သို့ရောက်ပြီး ပန်းနာ ရင်ကြပ် ရောဂါဝေဒနာဖြင့်ကွယ်လွန် သွားခဲ့ပါသည်။